สะท้อนหลังเส้นทางกามิโน: เส้นทางชายฝั่งโปรตุเกส

Original post (verbatim) 朝聖之路後感 — 葡萄牙之路海岸線👣 用26 天行640 公里 行朝聖之路，每個人都有屬於自己嘅故事。 有人喺迷失嘅人生中尋找答案；有人因為退休，想用腳步填滿時間；有人單純想同朋友完成人生bucket list；有人每年都過嚟行一次，挑戰唔同路線，甚至選擇留喺庇護所做義工。呢條看似平平無奇嘅路，原來行行下真係會上癮。 至於我哋，其實開始嗰陣係冇抱住咩特定目的。 但喺每日重複行路、食飯、瞓覺呢啲單調 Routine 入面，我哋總會有所體會，喺度記錄一下我哋嘅感受。 一開始，我哋習慣將視線放喺彼此身上。兩個人行埋一齊，最舒服嘅地方莫過於此— 對方已經滿足咗你所有嘅社交需求。你唔使去處理複雜嘅人際關係，唔使在意自己喺人哋眼中嘅價值，但同時，呢種習慣亦令我哋錯過咗好多同其他人相遇嘅可能。 喺呢段長途跋涉嘅 Me Time，我開始試下去思索「每個人都好唔同」呢句說話。 每個人，其實都係由一連串嘅「曾經」堆砌而成。有人細個受過傷，大個咗自然防備心重啲；有人曾經被賞識，所以佢選擇一生為咗工作拼搏⋯ 你今日遇見嘅人，佢嘅性格只係佢生命累積到呢一刻嘅模樣。只要下一個 Moment 遇上一場新經歷，佢又會有所改變、有所成長，所以我好認同「人係會變嘅」。 而行下行下，我地都變左。我地渴望想遇見更多嘅人，聽更多唔同嘅故事，喺唔同人身上學習少少。而人與人之間嘅connection好多時就係咁樣產生。 回望呢段路，再靚嘅風景，終究比唔上同大家相遇嘅嗰份純粹與快樂。 感激命運，等我喺路上遇上每一位，更令我再次感受到，呢個世界原來可以咁善良、咁單純。 - 「朝聖之路最美的風景，是靈魂的相遇。 The best part on the road is who we meet.」